හිරකරුවකුගේ මතක සටහන් සහ හිරගෙදර දී ඇඳි සිතුවම්

මේ ආරංචිය ලද විගස සියලුම සැකකරුවන් ගේට්ටුව වෙතට දිව ආවේ ''මියෙම්වා රැකෙම්වා'' යන හැඟීමෙනි.මෙම මහා ජනගඟ තවත් ඉදිරියට එනු දුටු හමුදා භටයින් තුවක්කු ඉහළටම ඔසවා ගත්හ.''ටක ටකස්'' යන හඬින් මැෂින් තුවක්කු වෙඩි තැබීමට සූදානම් කර ගන්නා අයුරු පෙනුනි.එම හමුදා භට කණ්ඩායමේ අණ දෙන්නා ඉදිරියට පැමිණ අත් ඔසවා පිරිසට නවතින ලෙස සංඥා කෙරුනි.පිරිස එකවරම නැවතුණි.දැඩි නිහඬතාවයක නිමේෂයක් මතු වුනි.මෙම නිමේෂයේ දී එක් කැරලිකරුවෙක් සිය හඬ අවදි කරමින් අභීතව කථා කරන්නට විය.