• Adahiya Nohaki Nihadathawa - ඇදහිය නොහැකි නිහඬතාව

"ඇය විෂාදයෙන් පෙළෙන්නීය. සියලු දෙනා එකම මාවතක ගමන් ගනිද්දී ඇය තනිව වෙනස්‌ මාවතක ගමන් ගන්නීය. ඔවුහු ඇයට අනුකම්පා කරති. විටෙක ඇය කෙරෙහි කෝප වෙති. ඇය ආත්මාර්ථබව ඔවුහු විශ්වාස කළෝය. ඇය පළිගන්නා බවත් තරහව හිතේ තබා ගන්නා බවත් ඔවුහු කියති. ඇය ඊර්ෂ්‍යාකාරියක බවද ඔවුන්ගේ නිගමනයන් අතර විය. මෙවන් වූ රූප සමූහයක්‌ හිමි ඇය දම්සරණී වේ. දම්සරණී උප්පලවන්නා වික්‍රමසිංහයි. ''

(19 පිටුව)

''දම්සරණිට තිබූ ලොකුම චෝදනාව ඇගේ සිනාව සහ බැල්මයි. ඇගේ සිනාව පිළිබඳව විවිධ අය විවිධ අදහස්‌ දැරූහ. ඒ ආකාරයෙන් අගේ බැල්ම ගැන ද විවිධ අදහස්‌ මතුවිණි. වරෙක තාත්තා කීවේ ඇය බලා සිටින විට ද සිනාසෙන බවයි. තාත්තා යමක්‌ පවසන විට කිසිවෙකු සිනාසෙනවාට ඔහු කැමැති නැත. ඒ නිසා ඇය තාත්තාගෙන් නිතර බැනුම් ඇසුවාය. ඇය සිනාසෙන විට කම්මුල් වළ ගැසීම ද ඇයට බරපතළ අදහසක්‌ ඇති කළේය. ඇයට විවිධාකාර සිනාවන් ද, බැල්මවල් ද තිබෙන බව සියල්ලෝම පිළිගත්හ. ලොකු අයියා නිලංක ඇය පිරිමින් දෙස කන්න වගේ බලනවා යන මතය දැරීය. ඇයට ඇත්තේ කපටි සිනාවක්‌ සහ කපටි බැල්මක්‌ බව අම්මා කීවාය. එහි වාසනා ගුණයක්‌ ද ඇති බව ඇය පැවසුවේ පරිස්‌සම් සහගතවය''

(58 පිටුව)


"ආලෝකය පහව ගොස්‌ යාන්තමින් අඳුර ගලා එන මොහොතට දම්සරණී කැමතිය. අඳුර හා ආලෝකය හුවමාරු වන මොහොත තුළ යමක්‌ ඇතැයි ඇය විශ්වාස කරන්නීය. ඒ යම් දෙය ඇය සොයන්නීය. කවදාක හෝ ලැබෙතැයි විශ්වාස කරන්නීය."

(65 පිටුව )

"පිරිස එක්‌ව සාලය මැද අධිකරණයක්‌ සකස්‌ කළහ. ගිහාන්ගේ දේහය ඉදිරිපිටදී මේ නඩුව ඇසිය යුතුව ඇත. නඩුකාර උන්නාන්සේ සැපත් විය. ඔහුට නැග සිටීමට ඔවුහු අට්‌ටාලයක්‌ වැනි යමක්‌ සාදා තිබිණි. විත්තිකාරියට නැගීමට එක්‌ පුටුවකුත්, පැමිණිලිකරුවන්ට තවත් පුටුවකුත් තබා තිබුණි''

(86 පිටුව)

සෑම රාත්‍රියකම ඇය කළුවර කුට්‌ටි කැපුවාය. ඒවා ලොකු බිස්‌කට්‌ පෙට්‌ටි තුළ සීරුයෙන් ඇසුරුවාය. කළුවර කුට්‌ටි කපා අයින් කළ ස්‌ථානවලින් හිඩැස්‌ මතුවිය. ඒ හිඩැස්‌ අතරින් ඇය ආලෝකය සොයා ගත්තාය. කළුවර ඇය සොයා එන්නේ ද ඇය කළුවර සොයා යන්නේ දැයි ඇය නොදන්නීය. කළුවර සදාකාලිකව පවතී. අන්ධකාර රාත්‍රීන්වල රැහැයි හඬ ඇදී ආවේ ද මේ කළුවර මැදිනි. එහෙත් රැහැයි නාදයේ කළුවර ගෑවී තිබුණේ නැත. ඒ හඬ කළුවර පීරාගෙන ඇය ළඟට විත් ඔච්චම් කර යන්නට ගියේය.

(100 පිටුව )

Write a review

Login

Related Products