නැගනහිර අප්‍රිකාවේ කින්යාවේ උපත ලැබූ න්ගුගි වා තියොං ඕ (Ngugi wa Thiong'o ) විසින් ඉංග්‍රීසියෙන් ලියන ලද A Grain of Wheat නම් අති ප්‍රබල නවකතාව මීට වසර විසි එකකට පෙර සේන තෝරදෙනිය මහතා විසින් තිරිඟු ඇටයක් නමින් සිංහලට පරිවර්තනය කරනු ලැබිණි. 1999 දී ප්‍රථම වරට ප්‍රකාශයට පත්කරන ලද මේ නවකතාවේ නවතම මුද්‍රණයක් 2020 අගෝස්තු 29 දා දයාවංශ ජයකොඩි සමාගම විසින් ප්‍රකාශයට පත් කළේය. න්ගුගි, ඔහුගේ සාහිත්‍ය මෙහෙවර හා බ්‍රිතාන්‍ය යටත් විජිත විරෝධී මාව් මාව් ව්‍යාපාරය අළලා ලියන ලද දීර්ඝ ප්‍රස්තාවනාවක්ද ඇතුළත්වන මෙම පරිවර්තනය අප්‍රිකානු සාහිත්‍යයේ විශිෂ්ට කෘතීන් සිංහල පාඨකයාට හඳුන්වා දීමට සේන තෝරදෙනිය විසින් ගන්නා උත්සාහයේ තවත් පියවරක් වෙයි.