“අපි වැඩ කරන්නෙ මාස්ටර් ප්ලෑන් එකෙන් උප කොන්තරාත් බාර ගත්ත ඉංජිනේරු සමාගමකට. සියෝල් කන්ස්ට්‍රක්ෂන් ඉන්ටනැෂනල් කම්පනි එකට. ඒකත් මිලේනියම් ඉන්ජිනියරින් මහ සමාගම තරම් ම පැතිරිච්ච එකක් වෙන්න පුළුවන්. පැහැදිලි නෑ.”

“අනික් කිලෝ මීටර් දෙක පටන් ගන්න කොට ඊළඟ යුනිට් එක. තව යාඩ්, ඔෆීස්, ස්ටෝස් කොච්චරක් කොහෙ කොහෙ තියනව ද කියන්න, හිතන්න කාටවත් පුළුවන් කමක් නෑ.”

“බටහිරින් කෙළවර වෙන්නෙ වෙරළින්. නැගෙනහිරට කොහෙන් කෙළවර වෙන්න යනවද කියල හිතා ගන්න බෑ. A-ii පාරෙ මහ කපොල්ලක් සඳහන් වුණත් ඒක මේ ප්ලෑන් එකේ නම් නෙවෙයි, සෑහෙන දුරක් ගිහින් තියන වෙන ප්ලෑනක ඇති.”