යුවතිය අසරණව එම මුහුණ දෙස බැලුවා පමණි.ඔහු කඩවසම් තරුණයෙකි. තියුණු දෑස එම මුහුණට අමුතුම කාන්තියක් එක් කර ඇත.උරහිස දෙසට කඩා වැටුණ ඒ පිරිමි කොණ්ඩයෙන් ඔහුගේ සිරුරට අමුතු පෞරුෂත්වයක් එක් කොට ඇත. සුදු පැහැති කමිසය ඔහුගේ සිරුර කොහොමත් ඔප් නංවයි. ඔහු සමඟ පිනිඳිට කුමන ගැටලුවක් ඇත්දැයි පිළිගැනීමේ නිලධාරිනිය තියා අඩුම තරමේ සිතිජවත් දන්නේ නැත. ඇය කවුද? සිතිජගේ සිතට මේ දැනෙන්නේ ඔහු දවසේ වැඩි හරියක් ඔහුගේ සිතින් විමසන එකම ගැටලුවයි. නමුදු එයට පිළිතුරක් අදටත් ඔහු සතුව නැත.