නෑ,පිළිම වහන්සේ හම්බ උනේ නෑ මහත්තයෝ.අදටත් ඒක අභිරහසක්.මොනව උනාද කියල හෝඩුවාවක්වත් නෑ.ඒ විදියටම හදල උඩින් රත්තරං ගාපු පස් ලෝ පිළිමයක් තමයි හොරුත් එක්ක පොලීසියට හම්බ උනේ.ඒ පිළිමෙ උරහිසක ලොකු කඩතොල්ලක් තිබුණ.පුදුමෙ කියන්නෙ ඒ කඩතොල්ල ඇරෙන්න මෙහෙ වැඩහිටපු පිළිම වහන්සෙගෙ තිබුණු හැම ලක්ෂණයක්ම වගේ ඒ පිළිමෙත් තිබුණ හැමෝම කිව්ව ඒක තමයි පිළිමෙ කියල.ඒත් කවුරු කොහොම කිව්වත් මම දන්නව ඒ අපේ පිළිම වහන්සෙ නෙවෙයි කියල.කවුරුත්ම නොකිව්වට,නොදත්තට,ඇත්ත දඹ රත්තරන් පිළිම වහන්සෙ කොහේ හරි වැඩ ඉන්නවා කියල මට ලොකු විශ්වාසයක් තියෙනව මහත්තයො.