අරගලය මැදදී සේපාල වැඩිය ළං වුණේ තීක්ෂණ හා නුහන්සි යුවළට ය. ඒ ඔවුන් දෙදෙනා පදිංචි ව සිටියේ ළඟපාත කුලියට ගත් නිවසක නිසාම නොවේ. ඔවුන් දෙදෙනා පුංචි මිනිසුන් අතට බලය ගැනීම ගැන කතා කළ නිසා ය. ''ඇත්ත ප්‍රශ්නෙ තෙල්, ගෑස් නෙවෙයි. කා අතේ ද බලය තියෙන්නෙ කියන එකයි.'' නුහන්සි කීවේ සේපාලගේ ප්‍රතික්‍රියාව මැන බලන්නට මෙන් සේපාලගේ දෑසට සිය බැල්ම තියුණු ලෙස යොමු කරමිනි. පහුගිය දින කීපය තුළ ඔහුට වැටහී තිබුණේ තීක්ෂණගෙන් ගැලවුණත් කිසි විටෙකත් නුහන්සිගෙන් ගැලවුමක් නැති බව ය.