මහ්මුට් බාසුන්නැහේද එම නාට්‍යයම නැරඹුවේය යන සිතිවිල්ල මට ඉවසාගත නුහුණු එකක් විය.මහ්මුට් බාසුන්නැහේ රඟහලට පැමිණි අවස්ථාවේ හැරුණු විට රතු පැහැති හිසකේ ඇති කාන්තාව සහ ඔහු යළිත් කෙදිනක හෝ මුණ ගැසු ණේද?"...
.."ඔහු මා කෙරෙහි ඊර්ෂ්‍යාවෙන් පසුවීද?"...
..පාලනය කරගත නොහැකි වියරුවෙන් සහ සැකයෙන් මගේ අභ්‍යන්තරය කැළඹී ගියේය...
"එදා දවසේ පැයක් පමණ වැඩ කරන විට මට කරකැවිල්ලක් ඇති විය"...
..මගේ දෑත් වැඩ කළේ ඒවාට අවශ්‍ය පරිදි නිපුණභාවයෙන් යුක්තවය.මා පස් පිරුණු බාල්දිය ලෑල්ල උඩ මඳක් ඇල කරන විට එක්වරම එය කොක්කෙන් මිදී ළිඳ තුළට ඇදගෙන වැටිණි."
"මම එක් ක්ෂණයකට ගල් ගැසී ගියෙමි"
"ඉන් අනතුරුව ,මම මොර දුනිමි:
"බාසුන්නැහේ ,බාසුන්නැහේ"
"ඉන් අනතුරුව ,ළිඳ ඇතුළෙන් නැඟී ආවේ වේදනාවෙන් පිරුණු විලාපයකි.විලාපයෙන් පසු ගැඹුරු නිහඬතාවයක් ඇතිවිය.ඒ වේදනාබර විලාපය මට කිසිදිනෙක අමතක නොවේ."

2018 රාජ්‍ය සාහිත්‍ය සම්මාන උළෙලේ හොඳම පරිවර්තනයට හිමි සම්මානය හිමිකරගත් නිලූක කදුරුගමුව ගේ නවතම පරිවර්තනය