නූතන විද්වතුන් අතර ගැඹුරු හා පුළුල් සංවාදයට ලක් වූ මාතෘකාවක් වන සභ්‍යත්ව රාජ්‍ය සංකල්පය පිළිබඳ නවතම විවරණයක් මෙම කෘතියේ අඩංගු වේ. “සභ්‍යත්ව රාජ්‍ය” ආදි බෞද්ධ ආණ්ඩුක්‍රම සංකල්පයක්ය යන වඩාත්ම නවීන මතයක් මෙම කෘතිය තුළින් ඉදිරිපත් කරයි. ප්‍රථමයෙන්ම ශ්‍රී ලංකාව තුළදී සභ්‍යත්ව රාජ්‍ය සංකල්පය කරළියට රැගෙන ආවේ ආචාර්ය ගුණදාස අමරසේකරයන් විසිනි. ඉන් අනතුරුව මෙම සංකල්පය සඳහා බිහි වූ වඩාත්ම විචාරාත්මක කෘතිය මෙය වේ.

මනුෂ්‍යයාගේ මනස කෙළවරක් නැති ධන තෘෂ්ණාවෙන් අවුල්කර අහේතුකව ඔවුනොවුන් මරාගන්නා ශෝකාන්තය කෙළවර කරගැනීමේ මග පෑදී ඇත්තේ , සිය සභ්‍යත්ව රාජ්‍ය තුළිනැයි යන මතය කතුවරයා විසින් වඩාත් විද්‍යාත්මක හා දාර්ශනික පසුබිමක් සහිතව පුළුල් විමසුමකට හසු කරයි.