මා මුහුණ සෝදාගෙන එන විට උඩහ පාරේ ලෑන්ඩ් මාස්ටරයේ ශබ්දය ඇසුණේය.මොහොතකින් අප්පච්චි බයිසිකලය පැද ගෙන වංගුවෙන් මතු වූයේ ය.ඔහුට පිටුපසින් ලෑන්ඩ් මාස්ටරය ආවේ ය.අප්පච්චි බයිසිකලය පාර අයිනේ තබා රියදුරාට කුමක් දෝ පවසා ඒ දණ්ඩ දෙසට ගමන් කළේය.මල්ලී පාසල් යාමට කඩිමුඩියේ ගෙයින් එළියට අවුත් බෑගයේ යමක් අවුස්සමින් ම ඒදණ්ඩ  දෙසට යයි.මගේ පපුව 'දාහ් දිහ්'ගායි. මිදුල අතුගාමින් සිටි අම්මා ද ඉදල අතැතිව ඇස් ලොකු කර ගෙන බලා සිටියි.අප්පච්චි ඒදණ්ඩ ට පා තබනු දැක ඔහු මෙගොඩට එන තුරු මල්ලි නැවතෙනු ඇතැයි මම සිතුවෙමි.මල්ලි අප්පච්චි නොදුටුවේ ද? ඔහු ඉදිරියටම යයි.