ගිරග්ග සමජ්ජ කියන්නෙ  බෞද්ධ ඉතිහාසය තුල මුණගැහිල තියෙන නමක්. හැබැයි මේක වර්තමානයේ මේ මොහොතේ කතාවක්. කවි තිබුනට කවි පොතක් නෙමෙයි . සාමාන්‍ය නවකතාවක් තරම් දිගත් නැති , කෙටි කතාවක් තරම් කොටත් නැති , කෙටියෙන් ලියපු දිග කතාවක්.

මේ කතාවෙ කතානායකය වෙන්නෙ විහග. විහගල  අපට තාමත්  අනන්ත මුණගැහිල තියෙනව .

ගිරග්ග සමජ්ජ කියන්නෙ සැණකෙළියක්.
අපේ  ජීවතත්  වෙලාවකට සැණකෙළියක් වගේ. සැණකෙළිය විචිත්‍රවත් හැබැයි හැමදාම සැණකෙළියක ජීවත් වෙන්න බෑ කියල විහගට හිතෙනව .
ඇත්තටම විහග කියන්නෙ සංස්කෘතික යාවත්කාලීන වීම , අතීතකාමය වගේ කාරණා නිසා පීඩනයට පත්වෙන මැදි වයසේ පිරිමියෙක් .
කිසියම් වෙලාවක විහගට දැනෙනව සැණකෙළිය අවසන් වෙද්දි ඒ සැණකෙළිය හරසුන් කියල .