..මේ රජු ජීවත් වූ යුගය වසර තුන්දහස් ගණනක අන්ධකාරයෙන් වැසී ගිය ද ඔහු තුළ තිබූ මිනිස් ගති ගුණ අපට දැනෙන නිසා ඔහු පිළිබඳ සංවේගයක් අප හද තුළ ඇති වේ.
මේ බව වඩාත් භාවාත්මක ව ප්‍රකාශ කරනුයේ ඔහුගේ සිහසුන මත තිබී හමු වූ ඵලකයක් මගිනි. මෙය දෙස බැලීමේදී තුතන්කහමන් රජු සහ අප අතර ඇති වසර තුන්දහසක් පුළුල් වූ අඳුරු පටලය දියවී ගොස් අප ද ඒ කාලයේ සිටින්නාක් මෙන් හැඟීමක් ඇති වේ. ඒ ඵලකයෙන් පිළිබිඹු කර ඇත්තේ, දැරියක වූ අන්කෙහෙසෙනමෙන් නම් ඔහුගේ බිසව, රජුගේ කරපටියට සුවඳ විලවුන් ආලේප කරන ආකාරයයි.

එසේ නැතිනම් රජ වාසල තිබෙන යම්කිසි මහෝත්සවයකට යාමට පෙර රජුගේ ඇඳුම් ආයිත්තම්වලට අවසාන සැකසුම් කරන ආකාරයයි. එමෙන්ම රජතුමා තම පාෂාණමය මිනී පෙට්ටිය තුළ සැතපෙද්දී එය මත තබා තිබූ , තවමත් වර්ණය මඳක් එසේම තිබෙන මල් වඩම ද අප අමතක කළ යුත්තේ නොවේ......