• Muluthangeyi Lekhakaya -  මුළුතැන්ගෙයි ලේඛකයා

ඕස්ටේ‍්‍රලියාවේ ”වික්ටෝරියා” ප‍්‍රාන්තයේ උපත ලද ඇල්බට්/ෆැසී ජීවිතයේ කිසි දිනෙක පාසලකට ඇතුළු වී අධ්‍යාපනය ලද්දෙකු නොවේ. ඔහුගේ ළමා කාලය ගතව ගියේ කියවීමේ හෝ ලිවීමේ කිසිදු හැකියාවක් නොමැති දරුවෙකු වශයෙනි. එහෙත් කියවීමට හා ලිවීමට හෙතෙම දක්වන ලද උනන්දුව හේතුකොට ගෙන තරුණ වියට එළැඹෙන විටම හේ කිසියම් ප‍්‍රමාණයකට කියවීම හා ලිවීම ප‍්‍රගුණකොට ගෙන තිබිණ. එයට එකම හේතුව වූයේ හෙතෙම තමන් තුළ පැවති අසීමිත දිරිය යොදවා කිසිදු අලසකමකින් තොරව, උත්සාහයෙන්ම ඉගෙනීම් කටයුතුවල නිරතවීමයි.

කිසි දා පාසල් නොගිය, කියවීමේ හා ලිවීමේ හැකියාවකින් තොරව ළමාවිය ගෙවී ගිය, ෆැසී ජීවිතයේ අවසන් සමයේ දී ගත්කතුවරයෙක් වශයෙන් ප‍්‍රසිද්ධියක් ලබාගැනීම කිසිවිටෙකත් නොසිතිය හැකි ආකාරයේ අසාමාන්‍ය සිදුවීමකි. මෙම කෘතිය හේතුකොටගෙන හේ බෙහෙවින් ප‍්‍රසිද්ධියට පත්වීමට අමතරව අතිශයින් සම්මානනීය ත්‍යාග කිහිපයක් දිනාගැනීමට සමත් වීමත්, ”වසරේ ඕස්ටේ‍්‍රලියානුවා” යන ගෞරවනීය රාජ්‍ය සම්මානය දිනාගැනීමට සමත් වීමත් නිසා ෆැසීගේ සුවිශේෂත්වය දෙගුණ තෙගුණ වේ.

ෆැසීගේ ග‍්‍රන්ථය ප‍්‍රකාශයට පත්කොට සිව් වසරකට පසු ග‍්‍රන්ථයේ පිටපත් 2,50,000 ක් අලෙවි වී තිබේ. එහෙත් ඒ වන විට ග‍්‍රන්ථයේ කතුවරයා වන ෆැසී මෙලොවින් සමුගෙන හමාරය.

Write a review

Note: HTML is not translated!
    Bad           Good
Captcha