කි‍්‍රස්ටි ඉසබෙලා රෝස් බි‍්‍රතාන්‍ය සමයේ ශී‍්‍ර ලංකාවේ විසූ දහහත් හැවිරිදි රූමත් ඉංගී‍්‍රසි ජාතික අවිවාහක යුවතියකි. තුරුණු වියේදීම, 1818 අවුරුද්දේ පෙබරවාරි මස 22 දින ඇය ලංකාවේදී මිය යන්නේ අබිරහස් අන්දමිනි. ඔක්ස්ෆෝඞ් විශ්වවිද්‍යාලයේ ගිණුම් නිලධාරි ඩෙනිස් රෝස් රැුකියාවකුත් සොයාගෙන, ලංකාවට පැමිණෙන්නේ ඔහුගේ සොහොයුරිය වූ කි‍්‍රස්ටි ඉසබෙලා රෝස්ගේ මරණයේ සුල මුල සෙවීමටය. එහිදී ඔහුට කිසිවෙකු නොසිතූ ලෙසින් දැන ගැනීමට ලැබෙනුයේ ඇය හමුදාවේ ඉහළ නිලධාරියෙකු සමඟ ගෞරවනීය ලෙසින් විවාහපත් වී ආර්යාවක් ලෙසින් වෙසෙන අතරතුර, ප‍්‍රථම දරු ප‍්‍රසූතියේදී මියගිය බවයි. ඩෙන්ස් රෝස්ගේ ජීවිතයද ශී‍්‍ර ලංකාවේදී වෙනසකට බඳුන් වේ.
-------------
...... ඉසබෙලා අපිට මුදල් එව්වේ මෙහෙම ජීවිතයක් ගත කරලද? ලැජ්ජාව පැත්තකින් තියලා ඇය ගී ගයන්න ගිහින් තියෙන්නේ අපිට වැඩිපුර මුදල් එවන්න. දෙයියනේ මම ඉගෙනගෙන තියෙන්නේ මගේ අසරණ සහෝදරී, ජීවිතය පරදුවට තියලා උපයාපු මුදල්වලින්....

....වෙරෝනිකා සහෝදරිය ඉසබෙලාගේ ගමන් මල්ල දුන්නම මොන මොන දේවල් දැනගන්න ලැබේවිද මන්දා. මම හරියට පැටලිලා අගක් මුලක් හොයාගන්න බැරිව....
....ටික වේලාවකින් වෙරෝනිකා සහෝදරිය පැමිණියේ කුඩා රෙදි ගමන් මල්ලක් රැුගෙනයි. එම ගමන්මල්ල ඉසබෙලා ලංකාවට යද්දී මමා ඇයට දුන් මල්ලක් බව ඩෙනිස්ට මතක් වුණි. එය රෙදි මිශ‍්‍රකර මමා විසින් නූලෙන් ගොතන ලද විසිතුරු ගමන් මල්ලකි. අවසාන වතාවට ඩෙනිස්, ඉසබෙලා දකිද්දී ඇය අතෙහි එල්ලාගෙන සිටියේ මේ ගමන් මල්ලය.
”ඉසබෙලා මට මේක දුන්නේ ඇය දෙව්මවු තුරුළට යන්න දින දෙකකට පෙරදී... ඇය මට අමාරුවෙන් කිව්වා කවදාහරි මේක සහෝදරයෙක්ට හරි දරුවට හරි දෙන්න කියලා.... මම මේක ඇරලාවත් බැලූවේ නැහැ”....