හාපර් ලී ගත්කතුවරිය විසින් "ස්කවුට්" සහ "ජෙමි" යන ළමා මනස් තුළින් හාස්‍යයද මුසු දැඩි කුතුහලයකින් විමසා බලනුයේ ජාතිවාදය හා එය පදනම්කොටගත් පන්තිභේදය තුළින්, එක්දහස් නවසිය තිහේ දශකයේදී ඇමරිකා එක්සත් ජනපදයෙහි දකුණු දෙසට වන්නට වාසය කළ වැඩිහිටි සමාජයේ ආකල්පයන්හි දක්නට තිබී බරපතල දූෂිත ස්වභාවයයි.

අගතියෙන්, ක්‍රෑරත්වයෙන් හා වංකභාවයෙන් දූෂිත වූ නාගරික ජනකොට්ඨාෂයක ගතානුගතික චින්තන සම්ප්‍රදාය දෙදරුම් කා ගියේ ඉන්ද්‍රඛීලයක් මෙන් නොසැලෙමින් එක් පුද්ගලයෙකු විසින් කරනු ලැබු අරගලය හේතුකොට ගෙනයි. වර්ණභේද වාදයන්, එමගින් පෝෂණය ලැබු පන්තිභේදයත් හෙලාදකිමින් හඩ නැගු මානව හිතවාදියාගේ ගර්ජනය උසාවි ගර්භය තුළ දෝංකාරය වූයේ සුදු ජාතික හදවක් සසල කරවමින් හා කලුජාතික හදවත් කම්පාවට පත්කරවමිනි.

සුප්‍රසිද්ධ "පුලිට්සර්" සම්මානයෙන්ද පිදුම් ලද මෙම ග්‍රන්ථයේ මුල් කෘතියෙහි (To Kill A Mockingbird) පිටපත් මිලියන තුනකටත් වැඩියෙන් මේ වන විට විකිණි අවසන්ය.