• Anna Karenina - ඇනා කැරනිනා
'වසරකට ආසන්න කාලයක් තිස්සේ රොන්ස්කිගේ අනෙක් සියලු ආශාවන් පරදා නැගුණු, එමෙන්ම ඇනාගේ හදවත නිරන්තරව බියෙන් කීරි ගැස් වූ යමක් විය. ඒ හේතුව නිසාම, අතිශය ආනන්දජනක වූ සොම්නසේ සිහිනය සැබෑ වීලාය. සුදුමැලිව, සැලෙන මුවින් යුතුව ඔහු ඈ ඉදිරියේ සිටියේ ඇයට සැනසෙන ලෙස ආයාචනා කරමිනි.

'ඇනා..ඇනා.. දෙවියන්ගෙ නාමෙන්..'

ඔහුගේ හඬ උස් වූ තරමට ඇගේ හිස නැඹුරු වීලාය. සාඩම්බරයෙන් සොම්නසින් සිටි ඈ අද අසරණ වීලාය. ඈ හිඳ සිටියේ ඔහුගේ දෙපා අසළින් අසුනේ කොණේය. ඔහු විසින් වත්තන් කර නොලැබ සිටියේ නම් ඇය බිමට වැටෙනු ඇත...

තමා විසින් ජීවිතය පැහැරගනු ලැබුවා වූ අප්‍රාණික සිරුර දෙස බලා සිටින මිනීමරුවෙකු සේය ඔහුට තමා ගැන සිතුනේ. ඒ සිරුර ඔවුන්ගේ ප්‍රේමයයි.ප්‍රේමයේ පළමු අවධියයි. ඔවුන්ගේ ආදරය වෙනුවෙන් ගෙවන්නට වූ වන්දිය දැරිය නොහැකිය. තම අධ්‍යාත්මික නග්නභාවයේ අවමානය ඇයව පීඩාවට පත්කළේය. ඒ තත්වය ඔහුටද සන්නිවේදනය විය.

කෙසේ වෙතත් මළ සිරුර ඉදිරියේ මිනීමරුවා අත්විඳි භීතිය එසේම පැවතියත් මේ සිරුර කපා දැමිය යුතුය. සැඟවිය යුතුය. එමෙන්ම ඔහු තම අපරාධයේ ප්‍රතිලාභය විඳගත යුතුය.

මිනීමරුවා මළ සිරුරට වද දෙන ආකාරයෙන් ඔහු ඇගේ මුහුණත් උරහිසත් හාදුවලින් තෙමා දැම්මේය. ඈ ඔහුගේ අතින් අල්ලාගෙන නොසැලීම සිටියාය. ඇය සිතුවේ තම අවමානයට මේ හාදුවලින් මිල ගෙවිය යුතුය කියාය.

මේ අතේ සදාකාලික හිමිකාරිය තමා විය යුතුය. ඈ එය සිප ගත්තාය. අවසානයේ ඇය ඔහු පසෙකට කර නැගී සිටියාය. ඇගේ මුහුණ වඩාත් ප්‍රියංකර විය. එනිසාම එහි දුක්බර බවද වැඩිවිය...''
මෙය ලෝකයේ මෙතෙක් බිහි වූ විශිෂ්ටතම මනෝ විද්‍යාත්මකම නවකතාව වශයෙන් සම්භාවනාවට පාත්‍ර වූ Anna Karenina කෘතියේ සිංහල පරිවර්තනයයි.
මේ මහා කෘතිය රචනා කරන මහා ගත්කතුවර රුසියානු ජාතික ලියෝ ටෝල්ස්ටෝයි, තම අති ප්‍රබල පරිකල්පන ශක්තිය මෙහෙයවමින් ජගත් සාහිත්‍යයෙහි දකින්නට ලැබෙන අමරණීය චරිත කිහිපයක් නිර්මාණය කරයි.
ඔහු මෙම කෘතිය රචනා කිරීම ආරම්භ කළේ 1873 මාර්තු 18 වැනිදාය. දෑවුරුද්දක් පුරා ලියැවුණ මේ මහ නිර්මාණය පුරා තත්කාලීන රුසියානු සමාජය පිළිබඳ සුවිශාල දර්ශන පථයක් සමඟ ජීවිතය පිළිබඳ සදාතනික සත්‍යයන් රැසක්ද දැක්නට හැකිය.
සුපිරි පැළැන්තියට අයත් විවාහක කාන්තාවක් වන ඇනා, තම නීරස වූත්, බොල් වූත් ජීවිතය හැර දමා සැබෑ ප්‍රේමයක නිනව් සොයා යයි. එනමුදු ඇයට සිදු වන්නේ රුදුරු සමාජයේ ගොදුරක් වන්නටය.
විවාහකයන්-අවිවාහකයන්, තරුණයන්-තරුණියන්, බාලයන්-මහල්ලන්, නාගරිකයන්-ගැමියන්, ධන කුවේරයන්-දුගී දුප්පතුන්, උගතුන්-නූගතුන්, කුහකයන්-නිර්ව්‍යාජ මිනිසුන් සිය ගණනාවකට ජීවන හුස්ම පිඹිමින්, ටෝල්ස්ටෝයි අපට පවසා ඇත්තේ මේ විසල් ජගත් තලයේ ඇති අප්‍රමාණ වූ විවිධත්වයයි. නපුර කවදත් බියකරු බවයි. ප්‍රේමයේ සදාතනික සොඳුරු බවයි.
2008 හොඳම පරිවර්තන සාහිත්‍ය කෘතියට හිමි රාජ්‍ය සාහිත්‍ය සම්මානය දිනූ නවකතාව මෙය වේ.

Write a review

Note: HTML is not translated!
    Bad           Good
Captcha

Readers Also Buy - මෙම පොතත් සමග මිලදී ගත් වෙනත් පොත්

Anna Karenina - ඇනා කැරනිනා

Anna Karenina - ඇනා කැරනිනා

රොන්ස්කි කලබල වී දුම්රිය දෙසට දිව ගියේ ය. ඔහු දුම්රිය මැදිරියකට ඇතුළු වන විටම සුන්දර කාන්තාවක් එහි..

Rs. 1,450.00

Anna Karenina - ඇනා කැරනිනා

Anna Karenina - ඇනා කැරනිනා

ඇනා කැරනිනා පොතේ මුනිදාස සෙනරත් යාපා විසින් කරන ලද පරිවර්තනය...

Rs. 800.00

Kubiya Ha Previya - කූඹියා හා පරෙවියා

Kubiya Ha Previya - කූඹියා හා පරෙවියා

ශ්‍රේෂ්ඨ රුසියානු ලේඛක ලියො තෝල්ස්තෝයි විසින් ළමයින් වෙනුවෙන් රචනා කරන ලද හරවත් උපමා කතා එකතුවක්.Har..

Rs. 600.00

Viraga Sangramaya - විරාග සංග්‍රාමය

Viraga Sangramaya - විරාග සංග්‍රාමය

රුසියානු ජාතික මහා ලේඛක ලියෝ තෝල්ස්තෝයි විසින් විරචිත කෙටි නවකතා කිහිපය අතුරින් ,වඩාත්ම ප්‍රබල නිර්ම..

Rs. 300.00

Bale Sita Yawwanayata -  බාලේ සිට යව්වනයට

Bale Sita Yawwanayata - බාලේ සිට යව්වනයට

ඉතා ගැඹුරු ශෝකය අත් විඳින්නේ ඉතා ගැඹුරින් ආදරය කරන්නට සමත් පුද්ගලයන් පමණකි. ආදරය දැක්වීමට ඔවුන් තු..

Rs. 650.00

Ruk Dewiyo - රුක් දෙවියෝ

Ruk Dewiyo - රුක් දෙවියෝ

"මේ මගේ සම්පත" ඔහු ගායනා කළේය. "පොලවේ පතුලේ, හරි මැදට යනකල් තියෙන මේ සේරම දේවල් මගේ. ඔහු ප..

Rs. 350.00

Hima Kata Sopanaya - හිම කැට සෝපානය

Hima Kata Sopanaya - හිම කැට සෝපානය

" මල් පිපෙන සමය.... තරුණ ජිවිත... එවන් සිහිනයක්.... අනාගතයක් සොයා පියාසර කල ඈ.... අනවරත අරගලයේ පියසට..

Rs. 250.00

Oba Danuwath Mawaka Wanna - ඔබ දැනුවත් මවක වන්න

Oba Danuwath Mawaka Wanna - ඔබ දැනුවත් මවක වන්න

"Fetal Attraction by Dr. Duru Shah with Dr. Shoroff and Ivor Vaz      ..

Rs. 450.00