මම විගස පෙයාර්පැක්ස් නෝනා ගේ කාමරය තුළට ගියෙමි. අවාසනාවට මෙන් fපයාර්fපැස් නෝනා තබා යටත් පිරිසෙයින් ඉටිපහනක් වත් එහි නොමැති බව මට පෙනිණි. එහෙත් ඇයගේ උදුන ළඟ වූ පලස මත බල්ලෙක් වාඩිවී සිටියේ ය. ඒකා නැඟිට මා දෙසට ආයේ ය. මම සීනුව ශබ්ද කෙළෙමි. සේවිකාවක් කාමරයට ඇතුළු වූවා ය.

''මේ බල්ලා කාගෙද?''

“ඔහු අපේ ස්වාමියා සමඟ ආවා.''

"කා සමග "

"ස්වාමියා, රොචෙස්ටර් මහත්මයා සමඟ; ඒ මහත්මයා දැන් ස්වල්ප වේලාවකට පෙර මෙහි ආවා."

“සන්තකට ම ? , එහෙනම් පෙයාර්පැක්ස් නෝනා මහත්මයා සමඟ කතා කරනවා ඇති නේද?"

"ඔව් ඇඩීල් නෝනාත් එතැන ඉන්නවා. ඔවුන් ඉන්නේ කාමරයේ. ජෝන් වෛද්‍යවරයකු කැඳවා එන්නට ගියා. අශ්වයා වැටීම නිසා මහත්මයා හදිසි අනතුරට භාජනය වී තිබෙනවා."