“ළමා ගී අමා” කෘතියෙහි සඳහන් ගීත 14 ම තනු නිර්මාණය කර, කුඩා දරු දැරියන් 14 දෙනෙකු විසින් ගායනය කරනු ලැබ මෙම සංයුක්ත තැටියට ඇතුළත් කර ඇත.

2015 රාජ්‍ය සංගීත උළෙලේදී, “වසරේ ප්‍රශස්තතම ළමා ගීත සංයුක්ත තැටිය” ට හිමි රාජ්‍ය සම්මානය “ළමා ගී අමා” සංයුක්ත තැටියට හිමි විය.

මෙහි එන ගීත 5 ක් ආචාර්ය රෝහණ වීරසිංහයන් විසින් ද, අනෙකුත් ගීත ආනන්ද වීරසිරි, ලක්ෂ්මන් විජේසේකර, සංගීත් නිපුන් මංජුලා සෙනෙවිරත්න, රුවන් එස්. ජයසේන, විශාරද ඉරංගා සමින්දනී වීරක්කොඩි, විශාරද උදය පුෂ්පකුමාර, විශාරද සරත් පීරිස්, විශාරද පුබුදු නුවන්තී හේවගේ, තුසිත ඉඩමේගෙදර යන ප්‍රවීණ සංගීතඥයින් විසින් ද තනු නිර්මාණය කර සංගීත අධ්‍යක්ෂණය කර ඇත.

ප්‍රවීණ වාද්‍ය වෘන්දයක් මගින් සංගීතය සපයා ඇති අතර, ගායනය චින්තනී සෙනෙවිරත්න, ටෙහාරා කනක්කහේවගේ, තිසුරි විලගෙදර, දිනූෂ රාජපක්ෂ, ගිනුලි වොනාරා, දිනුලි මෙන්ඩිස්, නෙත්මි අංජලී ද සිල්වා, සුනෙර දුල්නක හේවගේ, විදුන් විලගෙදර, විමුක්තා අධිකාරී, දිමෙත්‍රො ජයසූරිය, සනුදි යාපා, විනුල් යාපා සහ මහේන් කනක්කහේවගේ නම් වූ කුසලතා පූර්ණ දූ දරුවන් 14 දෙනා විසිනි.

සම්මාන ලාභී නාද ශික්ෂණ ශිල්පී, දයානන්ද පෙරේරා මහතාගේ ශබ්දාගාරයේ උසස් තාක්ෂණික උපකරණ මගින් පටිගත කිරීම් සිදුකර ඇති අතර, නවීන තාක්ෂණික ක්‍රමවේදයන් අනුව ඉහළ ම ප්‍රමිතියකින් යුතුව සියලුම සංයුක්ත තැටි නිෂ්පාදනය කෙරුණේ, පෙන්ගුවින් ඉන්ඩස්ට්‍රීස් (ප්‍රයිවෙට්) ලිමිටඩ් වෙතිනි.