" කඳු කැපුවෙ අත්තලා - තේ වැව්වේ මුත්තලා        ටවුම හැදුවේ අත්තලා - පාර කැපුවේ මුත්තලා
අපෙ අම්මලා අප්පලා        ඒ පාරෙම දක්කලා
නගරසභා ලොක්කලා - දැන් අපිටත් කෙලවලා"
" අපේ පැටවු බඩගින්නේ - අපේ පෝනි බඩගින්නේ
එක වේලයි අපි කන්නේ                      - නෑ ලයිසන් නං  ගන්නේ"

" ලාඩන් යනු අතීත මෙන්ම වර්තමාන කුදිරකාර පරපුරේ ජීවන අන්දරයයි.එදා-මෙදා තුර එම ජන සමූහයාට උරුම වූ නිමක් නැති දුක් - දොම්නස් සිතුවමකට නැඟීමට දැනුනු ප්‍රයත්නයයි.ලෙයින්- කඳුලින් තෙත්වූ ඔවුන්ගේ ඉතිහාස කතාවේ  අංශුමාත්‍රයක් හෝ මේ වෘත්තාන්තයේ තැවරී ඇත්නම් එය මාලද ජයග්‍රහණයකි.එසේම ලක් මෑණියන් උකුලෙහි හැදී- වැඩුණු අපේම සහෝදර ජන ප්‍රජාවක් වෙනුවෙන් පිදෙන උත්තමාචාරයකි.